پيام تبريكی دكتور فيض الله ايماق

سایتلر مبارک !
داکتر فیض الله ایماق
تورنتو شهر-کانادا مملکتی
ـــــــــــــــــــــــــ
السلام وعلیکم افغانستان تورکلری مدنی فدراسیونی نینگ رییسی محترم داکتر همت فاریابی جنابعالیلری!
اولا بار سیزنی ففتا(افغانستان تورکلری مدنی فدراسیونی)ویب سایتی آچیلیشی مناسبتی بیلن صمیمی مبارکباد ایتیب ،آلدینگیزده کونده لنگ بولیب تورگن مذکور فدراسیون مدنی ایجادی ایشلرینی عملگه آشیریشده،سیزگه یره تگندن، اولکن موفقیتلر آرزو قیله من.
جناب عالیلری !
کمینه،«ففتا»ویب سایتی نی انترنیت صحیفه لریده کوریب،بغایت خرسند بولدیم.بو سایت نینگ آچیلیشی در حقیقت، افغانستان تورکی خلقلرمدنی فدراسیونی ایشلری رسمیلشتیریلیب، هالند حکومتی روخطیدن اوتگه نیدن دره ک بیره دی.بو خوش خبرنی،خلقیمیز اوچون ارزیگولیک بخت - سعادت دیسک،مبالغه بولمه یدی ؛چونکه،بو سایت آرقه لی ییللر بویی، ستمکش خلقیمیزنینگ رویابگه چیقمه گن ،آرزو-آرمانلری چوچیمسدن،برالله اوزعکسینی تاپه دی.
منیمچه،ویب سایت دیگنده عامه خلق کتبخانه سی و آیینه ی جهان نما ،کوز آلدیمیزده گوده له نه دی . شونی قید ایتیب اوتیش جایزکه،نیچه ییل مقدم،کتبخوانلر بیر معین پیتده کتبخانه لرگه باریشگه مجبور ایدیلر،اما بوگونگی کونده ایسه،تخنیک وانسانلر آنگی اوسیشی ورواجله نیشی سببلی،کتبخانه لر، کتبخوانلر وقتینی تیجه گن حالده، اولر خاندانیگه دایمی مهمان صفتیده قدم رنجه قیلگنلر. بوتارتینمه گن سیویملی مهمانلر، در حقیقت «ویب سایت» لردن عبارت.
گرچه «ففتا» ویب سایتی صحیفه لریده،تورکی خلقلر تیلی ،ادبیاتی،اوتمیشده گی پارلاق تاریخی،مدنی یادگارلیکلری باره سیده ،ارزوگولیک معلوماتلربارلیگینی قید ایتگن حالده ،شونی تاکیدله ب اوتیش لازم که، بو معلوماتلر ییترلی ایمس.مین کیله جکده، مذکور سایتده، خلقیمیزنینگ بای موسیقه سی،نایاب فولکلوری، اینگ قدیمی تاریخگه ایگه بولگن تیلی وادبیاتی نی تولیقراق اورگه نیش اوچون تیگیشلی معلومات ومقاله لر و درسلیکلر جای آلیشی طرفداری من.اگر باله لریمیز ویاشلریمیز بوگوندناق،تورکی اوزبیکی تیلی درسلیکلری بیلن شغللنمه گن تقدیرده،ایرته گه کیچ بوله دی.اینقسه بو موضوع هجرتده حیات کیچیروچی یورتداش وتیلداشلریمیز اوچون جوده مهم حسابله نه دی. دیمک،مدنیت وترقیات کروانی بیلن ماس قدم قوییشگه توغری کیله دی.بو آرزو-آرمانلر ویب سایتلر آرقه لی زودلیک بیلن عملگه آشیشی ممکن.بو یولده «ففتا» ویب سایتی ، ده دل قدم قویه دی دیگن امید ده میز.
چقور حرمت ایله
داکتر فیض الله ایماق
تورنتو -کانادا